bunaíodh
an leabharlann i ndeireadh na seachtóidí tá
go leor ábhar a bhaineann go mórmhór le Ciarraí
bailithe ag an bhfoireann. I measc an chnuasaigh seo tá
leabhair, doiciméidí, léarscáil agus
pictiúirí maraon le ábhar físe agus
téipeanna. Ní úsáidtear an leabharlann
le haghaidh taighde ginealaigh agus ní tugtar ábhar
ar iasacht.
Caomhnú
coiscithe an polasaí a chuirimid i bhfeidhm anseo i Mucros.
Tá na bailiúch&aac ute;in curtha i dtaisce sa chaoi
go bhfuil cosaint ortha i gcoinne solas, teocht, taisriú,
truailliú agus péist dhíobhálacha.
De thoradh ar seo ghnóthaigh an leabharlann gradam Mhúsaem
na Bliana don mbailiúchán is fearr coinnithe sa
bhliain 2001.
Táimíd
i gcónaí ar thóir breis eolais nó
aon ábhar a bhaineann go speisialta le sean-úinéirí
agus tionóntaithe Eastáit Mhucrois. Is mór
an trua ná fuil aon ábhar den tsaghas seo fágtha
ar an láthair féin. Ba bhreá linn clos uait
dá mbeadh aon eolas dá leithéid agat.
Foilsítear
Nuachtlitir Mhucrois dhá uair sa mbliain agus bíonn
sí ar fáil go forleathan ó leabharlainn,
siopaí srl.
Tacaíonn
an leabharlann go mór le Féile
Chultúir Chiarraí. Féile speisialta í
seo do pháistí bunscoile a dheineann comóradh
ar cheirdeanna, scileanna agus na seantraidisiúin a bhaineann
le Ciarraí. Bronnadh Duais
Sandford ó Iontaobhas
Oidhreacht Oideachais i Sasana ar Fhéile Chultúir
Chiarraí sa bhliain 2003 agus arís sa bhliain 2008.
Más
mian leat cuairt a thabhairt ar an leabharlann ní mór
coinne a dhéanamh agus foirm iarratais a líonadh
isteach atá le fáil ar an suíomh seo. Ba
mhór an chabhair dá ndéanfadh léitheoirí
nóta do bhreacadh síos ar an
bhfoirm iarratais a neosfadh dúinn cad iad na h-ábhair
ina bhfuil suim acu iontu.
